Sing0311's Xanga

Monday, September 10, 2007

Mon, 10 Sep 2007 02:14:02 GMT

制帖工場

自從九月三日拿了帖回來之後，每日放工回家都是重覆不停地封利是，入帖及印信封。有些是闔府統請的，有些未知來唔來，有些就明知唔來都要俾，每圍人數又要預得um..um好，真係少o的精神都唔得，上星期五正式開始派帖，本來以為可以告一段落......

點知就輪到整小禮物，因為上星期六終於扑槌諗好及設計好要送乜，所以又要開始黏黏貼貼的工作，真係半分鐘都唔休息得，好在女朋友今個星期三開始放假，可以有好多時間整。

近日開始患上結婚晚宴恐懼症，因為有幾個本來應承會來的朋友，因為中秋節屋企要做節，都話唔來得。死啦，希望呢個情況唔會多啦，到其時每圍得番一半咪死得。

Thursday, August 30, 2007

Thu, 30 Aug 2007 07:24:00 GMT

太多事情了

很多很多東西要做，上星期六約了酒樓傾菜及圍數，其實對這間酒樓的烹調一向都很有信心，而負責宴會的胡小姐亦真係好Pro，所以很多煩惱都解決了，但她亦告訴我們很多東西要事先準備好。

之後去了金都買雜物，所謂雜物就是盞茶的用具，跪地的"咕o臣"，花炮，囍字等。

星期日就幫女朋友搬野，(已經搬了幾次，好像永遠都搬唔完咁)及一齊揀片頭相。

星期二就放假去開保險箱，拿婚紗相及試新郎衫，約兄弟開會。

真的很多事情....很多瑣碎的事情了。

Friday, August 24, 2007

Fri, 24 Aug 2007 15:45:03 GMT

拍Video

哇！因為去北京無寫幾日Blog je，就已經係WYCC Group 被人踢去第二版添。

星期二朝早上機，之前個晚約左Lawrence拍婚禮時播的Video。係等Lawrence之際，同女朋友度左個好簡單的據本。原本諗住柴娃娃咁就算啦，點知Lawrence一來時嚇左我地一驚，除了有個拍Video的師父之外，還有很多配備，又打晒燈，估唔到可以咁Pro，搞到我地都唔知點算好。最後當然係不停咁NG，講對白又吃晒螺絲，又交唔到表情，拍到一個個斷晒既Shot。最後連我地自己都唔知拍左o的乜。Lawrence 話到時就會剪接到好好地ga la.....唯有信住佢先啦。等剪完條片之後再睇下點啦。如果拍得好的話，唔知可唔可以拿去參賽lair......哈哈，原來拍戲真係可以只有導演知道拍左o的乜，演員係唔會知o家。

Friday, August 17, 2007

Fri, 17 Aug 2007 07:42:26 GMT

試衫

尋晚去了試衫，原本約了八點半，因為上一批人試了很久，所以到九點才輪到我女朋友。由於必須拍板，所以女朋友帶了一大班人來幫眼，除了我之外，還有三個同事，家姐及阿媽。

個人覺得間店老板娘的服務態度真係麻麻地，又貴，衣服的款式又唔多，想試多幾件都唔肯，又唔俾影相，都唔明點解咁多人讚呢間o野，莫非真係越寸越受歡迎。算啦，我都係唔明咁多啦。

計埋今日，個市總共趺了二千多點，我很多股票都由賺變蝕到入肉，所以心情勁Down，都唔想講咁多o野。

兩輯婚紗照已經擺左上網，有興趣可以上去瀏覽，覺得邊輯好o的，可以俾意見我啦。

http://community.webshots.com/user/vickyderrick

Thursday, August 16, 2007

Thu, 16 Aug 2007 03:39:52 GMT

拿婚莎相

五月一日係新天地影完的婚莎相，尋日去了拿。相對於上一輯影的台灣相，少了一份驚嚇感，影出來的感覺還不錯。又一次印証了大眾的意見可以係錯的，相片雖然只有48張(台灣有61張)，相簿只有2本，一中一小(台灣係一大一中一小)，油畫細了一半，但價錢比起台灣唔計機票酒店都平了一半，而且還送一張未鑲架的油畫及一張坐檯相。而影出來的相片，女朋友和我都好滿意。唔.......其實應該係兩種感覺的相，可能我們比較喜歡傳統的吧。

尋日拿相，都要讚下新天地員工的服務態度。原因是女朋友首先發現了細相簿發現少了兩張相，然後封面的相也不同了，後來又覺得中相簿的封面也錯了(事後我們才發覺這封面其實沒有錯)，於是佢大發雌威，要求他們全部改番，那位員工也很友善的答應幫我們改，並應承儘快改好給我們。

哈......變左好似幫新天地賣廣告咁！

Wednesday, August 15, 2007

Wed, 15 Aug 2007 03:22:07 GMT

買婚戒

尋日去周大福拿我們訂了的婚戒，過程十分順暢，拿了戒指之後就去Mega Box 睇Harry Potter IMAX 版。

其實對於Harry Potter 套戲沒有太大期望，一來都唔記得之前講過o的乜，二來覺得套戲拍得又長又悶，只不過睇開就繼續睇埋佢。而IMAX 3D效果就覺得幾搞o野，每一個人真係突晒出來，幾有3D的感覺。我覺得如果把這個技術放在之前播的變形金剛或者科幻戰爭片，效果應該幾正。不過最正就係播到中途時，忽然有一樣不知名物體(可能係蒼蠅，蜘蛛又或者灰塵)黏在投影器，更加有3D 的效果，更引起觀眾一陣騷動，十分搞笑。

Tuesday, August 14, 2007

Tue, 14 Aug 2007 04:04:01 GMT

過大禮

原來未過大禮係唔可以派帖的，呢樣o野我都係早兩個月先知的。而七月係唔可以過大禮的，我早一個月才知。唯有臨時臨急揀了八月十一日(易嫁娶)過大禮，咁大日子，當然要賀一賀佢，連走了的帕布都吹返轉頭趁下熱鬧......

話說從頭，原本打算簡簡單單一封大利是就搞掂的過大禮。後來聽完各方友好的意見，也變得樣樣齊了。物品清單如下：

1. 西式餅咭一大疊; 2. 中式餅咭一大疊; 3. 四式水果一大堆; 4. 海味兩大包; 5. 唐餅幾打連兩大籮; 6. 意頭o野兩大籃(酒樓送的); 7. 當然唔少得禮金及利是

本來一切都安排得十分完善，八月十日拿唐餅回家，十一日再駕車去拿意頭o野及水果就可以去送大禮了，連我自己都想讚自己醒，安排得當。

誰不知，原來準新朗係唔可以自己送大禮的，要搵雙數的長輩幫我送，仲要有上有下(上即父母, 下即兒女)，搵晒我所有的親戚都係得表哥一個符合「資格」，唔通真係過唔成大禮，唯有叫埋我老爸算數啦。

到十號中午，我訂了唐餅打算放工去拿，點知天文台就掛八號波，個個都話要關店，唯有一放工馬上跑去拿唐餅。拿了唐餅及籮跟本就無手拿遮。又無的士搭(本來上左架的士，但司機只係肯由荃灣車我去大窩口)，唯有死死氣走去搭Van仔(好彩無搭地鐵，又要讚下自己醒！)再行返屋企，橫風橫雨，好不凄慘。一返到屋企，又要馬上駕車去拿意頭o野，又撞著紮鐵工人阻街示威，塞了成個鐘，好彩最後都趕到。

「過大禮先o黍落雨，唔通連個天都唔鍾意我？

聽日一定會好天o既！(好彩第二真下落晒波，只係落微雨)

你點知今日會好天o家？

情比金堅ar ma！」

Friday, August 10, 2007

Fri, 10 Aug 2007 05:36:47 GMT

訂喜帖

昨晚去金都商場對喜帖，之前在會展已經訂了，上個禮拜交了第一稿。昨晚主要目的就是要對一下電腦和原稿有沒有出錯。這對於我們兩個人簡直係手到拿來，因為我們平時就係要不停對Account，所以好快就搞掂。

印完帖，當然就係要派啦！

報告長官！紅色炸彈已經上彈！3....2......1.......Fire!!!

Wednesday, August 08, 2007

Wed, 08 Aug 2007 06:18:21 GMT

買紅酒

昨晚去了尖沙沮買婚宴飲的紅酒。原本我們心目中想買的法國Cheatau零五年份紅酒己經賣晒，我們都好失望。(嘻嘻，唔好以為我地真係識酒之人，只不過因為那支酒可以買一送一。)

後來店長就介紹了另外一隻Henri Lavigne 2004 年份的，又話易入口，又唔dry，又香又好味，又請我地飲，飲完又送你一對翼。講真句，我好少飲又唔識飲，你話好味咪好味lo.....終於係店長的的努力遊說之下，我們買了四十支。其實我覺得四十支咁多真係有少少過份，佢就話一張臺兩支差不多，唔係話，我記得我上次去飲，我地成臺都叫左橙汁，得一個人叫左杯紅酒，仲要係飲唔晒添。如果有剩兩打，我咪死得。雖則我阿哥和女朋友家姐都就來結婚，但係抬兩打番屋企都幾係o野，所以唔該各位幫我清一清佢，但係唔識飲或唔鍾意就唔好夾硬來，事關我空肚飲都有少少wing wing 地。

Tuesday, August 07, 2007

Tue, 07 Aug 2007 08:29:31 GMT

最近比較忙

被投訴很久沒有寫日記了, 因為我由細到大都沒有寫日記的習慣。哈哈！

其實也沒有什麼好寫，反正每天都是形形役役，返工放工，吃飯睡覺，剩餘的時間，我選擇了玩Wii, PSP以及玩股票。假如還有時間多了出來，我都會用來望著電視發呆(題外話，因為要看英超，所以裝了Now，發現有一台叫Panda Channel，就是由海洋公園播放的一日廿四小時盈盈樂樂生活記錄，絕對可以比得上魚樂無窮，更加適合我對住電視發呆。)所以結論就是沒有時間寫日記了。

剛剛做完公司的年報，現在又要忙結婚的事情，雖然已經不停努力，但發覺還有很多o野未搞掂，新郎衫，片頭相，約兄弟，傾酒席及菜餚，小禮物，司儀，還有很多零星的事情，煩也煩死人了。